منتدي ابطال الكرة الرسمي
مرحبا بك في منتدي اتمنا ان تفيد و تسفيد

منتدي ابطال الكرة الرسمي

لمحبي ابطال الكرة
 
الرئيسيةالبوابةس .و .جبحـثالأعضاءالمجموعاتالتسجيلدخول
بك في منتديات ابطال الكرة اتمنا ان تشرفنا بالتسجيل

شاطر | 
 

 عفوا لقد نفذ رصيدكم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الفراشة المصرية
مشرفة عام
مشرفة عام
avatar

عدد المساهمات : 16
تاريخ الميلاد : 01/09/1997
تاريخ التسجيل : 24/08/2011
العمر : 20

مُساهمةموضوع: عفوا لقد نفذ رصيدكم    الإثنين سبتمبر 05, 2011 9:58 pm


لفضيلة الدكتور حازم شومان:
الحمد
لله وكفى وصلاة وسلاما على عباده الذين اصطفى اللهم لك الحمد كله ولك
الملك كله وبيدك الخير كله واليك يرجع الأمر كله اللهم صلى على حبيب قلوبنا
اللهم صلى على طبيب القلوب سيدنا محمد صلى الله عليه وسلم ....ثم
أما بعد:
أنا عايزك تتخيل معايا من أول لحظة ان انت عندك
مشوار فى بلد تانية هتسافر فى بلد تانية المشوار بتاعك فى برج فى الدور
العشرين هتطلع الدور العشرين وفيه أسانسيرالبرج مليان أعمال تجارية وشركات
فأنت رايح وحامل هم طيب دلوقتى الأسانسير هيأخرنى وهيبقى زحمة وهاطلع السلم ولا مش هطلع السلم تخيل ان أنت رحت لقيته فاضى الحمد لله هطلع الدور العشرين علطول مفيش حاجة هتعطلنى *
تخيل ان أنت بعد ما سافرت ورحت ركبت الاسانسير وأنت طالع ضبطه على الدور العشرين وأنت طالع الدور ال15 الاسانسير عطل فى وجه حائطيعنى حتى مش فى وش باب يعنى متعرفش تخبط على الباب وتستغيث بحد فبدأت تحس أنك متوتر وأنك مرعوب افرض ان الأسانسير وقع بيا افرض حصل حاجة بدأت تحس ان الهواء بدأ يخلص وان ايدك بدأت تترعش ان الدنيا حر ،طيب دا الوقت بيعدى مفيش
حد بينجدنى مفيش حد حاسس بيا ، مفيش حد حاسس ان فيه حد محبوس فى الأسانسير
بدأت تتوتر أكتر بدأت ايديك تترعش أكتر وقلبك نباضاته تزيد وبدأت أعصابك
ترتجف وبعد كده وأنت فى الموقف العصيب ده وحاسس ان الهواء بدأ يخلص من
حواليك افتكرت اّه ده أنا معايا موبايلياااااااه
الحمد لله الحمد لله أخيرا ده أنا معايا موبايل هتصل باللى أنا كنت طالعله
ومسكت الموبايل وأنت ايديك بتترعش ومسكته وبدأت تضرب الرقم بتاعه وبعد ما
ضربت الرقم وحطيته على أذنك ...............سمعت
عفوا لقد نفذ رصيدكم !!!!!
تعمل ايه ؟ تعملى ايه ؟ لو أنت فى الموقف ده ؟؟!!
الموقف ده يمكن احنا دلوقتى أعصابنا اتشدت معاه بس الموقف ده فى الدنيا فما بالك لو الموقف ده فى الأخرة يعنى ايه فى الأخرة هو الموقف ده ممكن يحصل فى الأخرة اقرأ الاية اللى فى سورة التحريم (يقولون ربنا أتمم لنا نورنا واغفر لنا) يعنى
ايه؟ الناس دى جاءت تعدى من على الصراط فنور أعمالها لم يكفيها ان هو ينور
الصراط كله فجزء من الصراط نور وجزء ظل ظلمة ، طيب وبعدين ده أنا لو فضلت
كده ووصلت عند الجزء من الصراط الظلمة جهنم هيطلع منها لسان هيبتلعنى!!
يارب تمم لى نورى على الصراط يارب اغفر لى الذنوب اللى منعانى **تعمل ايه لو أنت فى الموقف ده ؟خذوا
بالكم يا جماعة الموقف ده مش بسيط الموقف ده مش ذى ما احنا بنسمعه كده
(ربنا أتمم لنا نورنا)الموقف ده يعنى واحد مصيره كامل معلق بدعوة ! أنت
ممكن ترفع ايدك دلوقتى وتقول يارب بس انت مش حاسس ان مصيرك كله متعلق
بالدعوة دى ,الناس دى وهى بتدعى مصيرها كله
متعلق بالدعوة دى لو ما استجبتش ..خلاص ..تخيل هو شايف شفيرجهنم أمامه
وشايف الناس بتتساقط فى جهنم أمامه وشايف واحد كان ماشى على الصراط رجليه
وقعت مست سقر بس مست النار بس عارف اللى بيمسه النار بيحصله ايه؟؟ ده يعنى
مس سقر اللى ذكر فى القران عارف لو رجليه مست جهنم بس عارف هيحصله ايه؟!
قال الله فى القران (ان المجرمين فى ضلال وسعر )ليه ؟علشان (ذوقوا مس سقر) يعنى ايه سعر ؟ يعنى جنوون , لقيت واحد بس رجليه مست النار أصيب بالجنون اتجنن وهو على الصراط ولقيت واحد تانى اتغمس فى النار غمسة واحدة فى النار سمعته بيهتف ما
ذقت نعيما قط ,والله ما ذقت نعيما قط !!وده كان مين؟ كان أنعم أهل الأرض
فقد الذاكرة بمجرد انه اتغمس غمسة واحدة فى النار ونسى كل نعيم ذاقه ولقيت
واحد ثانى رجليه اللى مغموسة بس فى النار وباقى جسمه طالع أنت شايفه بعنيك
كما فى فتح البارى بيسيل دماغة من الغليان على وجهه نتيحة النار اللى بتمس
رجليه والعياذ بالله...
وأنت فى الموقف ده وشايف اللى بيتسحب على وجهه الى النار واللى بيتأخذ
بلسان لهب وأنت شايف المنظر ده كله ولقيت ان نور أع لم يكفى الا نصف
الصراط وأنت بتقول ربنا أتمم لنا نورنا واغفر لنا....تخيل لو ساعتها اتقالك
........عفوا لقد نفذ رصيدكم........
[size=25]رصيدك خلص لم يعد عندك رصيد
..نور..يكمل الطريق تعمل ايه ساعتها؟ تعمل ايه لو رصيدك ما كملش ؟؟تعمل ايه
لو رصيدك خلص على الصراط ؟تعمل ايه لو رصيدك خلص منك على الميزان؟
يا اخواننا الدرس ده مقصده ان احنا ننتبه لحقيقة فى
غاية الخطورة فى غاية الخطورة والله يوم القيامة موضوع خطير جدا ان يوم
القيامة أمامنا محطات ولجان تفتيش وامتحانات عندك لجنة امتحان فور نزولك
القبر من ملكين شديدين هينتهرانك وعندك لجنة امتحان فى القبر هتتحاسب على
كل عمل عملته وعندك لجنة امتحان تانية على الميزان وعندك لجنة امتحان تانية
على الصراط وعندك لجنة امتحان تانية فى العرض على الله وعندك لجنة امتحان
تانية على القنطرة تخيل أنت محتاج رصيد أد ايه علشان تعدى من كل الامتحانات
دى الطالب اللى هيمتحن امتحانات كتيير جدا محتاج رصيد مذاكرة أد ايه
علشان يعدى ؟؟ لو رصيد الحسنات بتاعك ما كفاش انه يخلصك من ألم الموت لو
رصيد الحسنات بتاعك مكفاش انك تنجو من عذاب القبر لو العذاب بيحيط بك من كل
ناحية من بين ايديك ومن خلفك ومن عن يمينك ومن ش وأنت بتستغيثى بالله
واتقالك عفوا لقد نفذ رصيدكم
!رصيك الحالى لا يكفى لسترك عن النار فى القبر ...رصيدك الحالى لا يكفى
ساعة العبور على الصراط...لو الرصيد بتاعك خلص على الصراط يعنى ايه؟...يعنى
انت اقف دلوقتى أمام الله كما خلقت بتتوزن يعنى حسنة فى كفة الحسنات حتتحط
حيتحط قلبك معاها بعد كده سيئة لا مش ممكنيا
جماعة احنا السيئة فى الدنيا بنشوفها عادى ما بيحصلناش حاجة يعنى انا لو
عملت أى سيئة فى الدنيا هقول عادى أستغفر الله هقول تبت الى الله ..هصلى
ركعتين تووبة ....أما فى الأخرة المشكلة فى غاية الخطورة ان مفييش كلمة
أستغفر الله مفيييش كلمة تبت الى الله مفيش حاجة اسمها استغفار لم يعد حاجة
اسمها تبت الى الله ربنا كفر عنا سيئاتنا ممنوع باب التوبة أغلق خلاص ...
ففى الدنيا لو شفتى ذنوبك هتقولى ايه ؟أسسستغفر الله أما فى الأخرة لو شفتى ذنوبك هتقولى يا ويلتى ليتنى لم أؤت كتابيه ولم أدرى ما حسابيه يا ليتها كاانت القاضيةمفيش غي الكلمه دى...
فى سنه من السنين يا جماعة فى مصر انفجر مصنع
للحديد والصلب ...ومصانع الحديد والصلب دى فأفران الحديد دى أفران رهييبة
أفران فوق ما نتخيل يعنى الحديد بينصهر بيبقى عامل ذى الحمم اللى طالعة من
البراكين كده ...تخيلوا درجة الحرارة الرهيبة ..انفجر والحمم سالت اللى
كااان بيقع .مش كان بيتحرق !ده كان بينصهر اللى وصلوا المستشفى بس من
المصنع كله 18 واحد منهم 12 واحد ماتوا اللى فضل 6 بيقولوا فى المستشفى ان
ليلتها ما أحد عرف ينام من الصراخ الرهيب بتاعهم وكل ده!!! جزء من سبعين
جزء من نار الأخرة ..لو ساعة العرض على النار ساعة العرض على النار اللى
بيقادوا الى النار بيقادوا مغلولين ..........مغلولين مش يعنى ايديهم
مربوطه ده كده يعنى انه مقيد مش مغلول أما مغلول يعنى ايديهم مربوطه فى
رقبتهم وهم منقادين الى النار والنار بتتفتح أبوابها ويلقى فيها فوج وتتغلق
تانى وهكذا ...النار بتغلق تانى يعنى ايه ؟ ده معناه 3 حاجات:
1/ معناه ان درجة الحرارة مش ثابتة ولا بتقل ..ده معناه ان درجة الحرارة فى زيادة مستمرة علطول بتزييد (عذابا صعدا )
2/ معناه ان هم فى سجن والعياذ بالله سجن
3/معناه ان مفيش هوا بيدخل مفيش شبابيك بتدخل هوا مفيش تجديد هوا امال
بيتنفسوا ايه ؟ بيتنفسوا نار والعياذ بالله لما ييجوا يشموا بدل ما يدخل فى
أنوفهم نار وبيدخل رئتهم نار والعياذ بالله..
ماذا لو نفذ رصيدك عند العرض على الله ماذا لو نفذ
رصيدك على الميزان وانت واقفة على الميزان حسنة بتوضع الحمد لله تيجى سيئة
تعادلها أه تيجى حسنة تانى الحمد لله حسنة سيئة حسنة سيئة....وهكذا لحد أما
ييجى سيئة سيئة سيئة ايه ده ؟هو فين الحسنات ؟ عفوا لقد نفذ رصيدكم ...لييه؟
الكلام ده لانك كنتى فى فترة من الفترات التزمتى ولبستى الحجاب الشرعى
فالحسنات بتاعتك عادلت السيئات وبعدييين...انتكستى تانى وبعدتى عن الطريق
فما عاد فيه حسنات تانى تعادل السيئات دى فبقت سيئة سيئة سيئة عفوا لقد نفذ رصيدكم رصيد حسناتك خلص خلاص
يااااخواننا احنا لازم نحصل رصيد حسنات فى الدنيا يكفى انه هو يعدينا من كل اللى مستنينا .
البوم يا جماعة وأنا جاى فى الطريق -كان فيه أخ ملتزم
بارك الله فيه فعلا كان بيطلب العلم فى القاهرة زائد الكلية بتاعته كان
بيقول ان مفيش فى بلدهم دعوة وكان ناوى يطلب العلم فى القاهرة هنا علشان
يروح يدعى فى بلدهم الى الله حتى كان فيه فى يوم حفلة التخرج بتاعتهم كان
فيه حفلة وكان فيها أغانى فالأخ ده بذل مجهود رهييب علشان يعمل حفلة للدعاة
علشان يبعد زمايله عن حفلة الأغانى دى وبذل مجهود رهيب رهيب يا جماعة
وعمللها فعلا وكان ما بيبطلش حركة ونشاط..-اتفاجأت وانا جاى فى الطريق
اليوم واحد بيتصل بيا وبيقولى فلان ده ........مااات قلت فلان اللى كان ما
بيبطلش حركة ونشاط فلان اللى... ماات اذاى فى لحظة واحدة ياجماعة كل شىء
بينتهى فى لحظة واحدة هتلاقى نفسك بين يدى الله ...فى لحظة واحدة هتلاقى
نفسك بين يدى الملكين فى القبر وهيبقى ساعتها القضية قضية رصييد ..رصيدك أد
ايه؟
يا جمااعة هدف الدرس ده ان احنا نفوق ان احنا نيجى يوم القيامة واحنا معانا
رصييد يكفى ان احنا نعدى كل محطات التفتيش دى طول ما انت ماشية فى الدنيا
راكبة عربية الحياة هتلاقى فجأة ناس لابسة أبيض دى الملائكة بتقولك انزلى
...ايه فيه ايه؟!خلاص انزلى محطة تفتيش..
أنا عايزك تيجى يوم القيامة ملياردير حسنات عندك رصيد يكفى بفضل الله تعدى
كل الحواجز دى..تيجى يوم القيامة تبص على قصر مهيب فى الفردوس الأعلى تقول
أنا عايز القصر ده ...دااا غالى قوى دا ب200مليون حسنة...معايا بفضل الله
معايا ده انا فضلت طول عمرى أجمع حسنات معايا بفضل الله ........طيب واليخت
الجميل ده الموجود على نهر الكوثر ...أه ده بربع مليار حسنة ...معااايا
بفضل الله معايا ......انما التانى اللى مش معاه مفلس
أشهر افلاسه يا جماعة ...حديث رسول الله صلى الله عليه وسلم أتدرون من
المفلس ......الفرق بين الفقير والمفلس ان الفقير أصلا مش معاه أما المفلس
ده اللى كان معاه وأفلس كان مليونير وفى يوم من الايام أشهر افلاسه تخيلوا
ان فى نفس اليوم اللى أشهر فيه افلاسه اكتشف أنه مريض بالسرطان ومحتاج
يتعالج بره ..مصييبة مصيبة يا جماعة....تخيل على القنطرة بعد ما عديت من
على الصراط ولسة معاك حسنات اه الحمد لله لسة معايا حسنات علشان أدخل الجنة
تتفاجىء ان واحد واقف مستنيك بيقابلك بيقولك استنى هات حسناتك لييه؟أنت
كنت ماشى مع أختى أيام ما كنت فى الجامعة والتانى بيقولك هات حساناتك ايه
وانت مين انت كمان انا أبوها ده كان اخوها اما انا ابوها....وتلاقى واحد
تانى بيقولك هات انا المدرس اللى كنت بتاخد عندى درس فى الثانوى وأكلت عليا
فلوسى ...وانت انا اخوك اللى أكلت عليا ورثى ...وانت انا اليتيم اللى اكلت
حقى وانا اللى انت شتمتنى وانا اللى انت اغتابتنى وانا اللى انت عليا كلمة
فى عرضى وانا اللى سخرت منى وراء ظهرى وانا وانا وانا وانا....
تلاقى نفسك بتتجر على النار تانى بعد ما كنت نجيت من على الصراط يااربى خلاص عفوا لقد نفذ رصيدكم ...
عفوا لقد نفذ رصيدكم
دى كلمة قاسية أوى يا جماعة ده احنا فى الدنيا لما بنكون عاي نتكلم
مكالمة عادية وبتسمع الكلمة دى بنحس ان احنا مخنوقين ..امال فى الاخرة
هنعمل ايه ...أصل مش هيتقال عفوا ...ههه عفوا دى كلمة دارجة على لساننا و..و رصيدكم دى كلمة محترمة ...هنعمل ايه يا جماعة لو نفذ رصيدنا بين الجنة والنار على القنطرة..وفى
ناس تانية يا جماعة ربنا يعافينا يؤتى بالرجل ومعاه أمثال جبال تهاما
البيضاء حسنات ده كان ايه يا جماعة جباال اتحطت فى ميزان الحسنات الحمد لله دا انا كده معدى من بدرى ده أنا كده هدخل الفردوس الاعلى ........وفجاة؛ هيجعلها الله هباءا منثورا عفوا لقد [size=29]نسف [size=25]رصيدكماتنسفت
..اتنسفت ليه .انهم كانوا اذا خلوا بمحارم الله انتهكوها..اللى كان عامل
نفسه وعامله نفسها.. امام الناس ملتزمين ومن وراء الناس الله اعلم كان
بيعمل ايه لما بيغلق على نفسه الحجرة كان بيشوف مواقع ايه ولا قنوات ايه
الله اعلم كانت بتعمل ايه فى السر بينها وبين ربنا..
هنعمل ايه يا جماعة لو اتقال عفوا لقد نسف رصيدكم
يا جماعة انتوا عارفين يعنى ايه عن يمينه نار وعن شماله نار ....دى بالضبط
عاملة ذى ما يكون واحد واقف على جبل على محيط وطالع منه خشبة وهو واقف على
الخشبة دى ومن حواليه من كل ناحية مية ..تخيل لو المية دى نار يعنى ذنب
واحد هيخليه يقع فى النار دى رصيدك أد ايه شحنت رصيد اد
ايه النهارده ولا امبارح أصل شحن الرصيد ده بسهولة جدا انت ممكن فى نصف
ساعة تصلى 12 ركعة ربنا يبنيلك بيت فى الجنة ممكن فى ساعة واحدة صلاة
تسابيح تاخد فيها روضة من رياض الجنة..ده شحن الرصيد مع ربنا بسهولة اوى يا
جماعة هنندم والله هنندم على كل ساعة مرة ولم نذكر فيها الله هنندم
هتندمى يا اختى يا اللى ماسكة شوال مليان حسنات وفيه ثقب بالحجاب اللى انت
حاطاه وثقب المكياج بتاعك هتندمى ....الدرس ده اذاى نحافظ على
الرصيد........
[/size][/size]
[/size]

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشق زين
مؤسس الملعب
مؤسس الملعب
avatar

عدد المساهمات : 73
تاريخ الميلاد : 19/04/2001
تاريخ التسجيل : 22/08/2011
العمر : 16
الموقع : منتدي ابطال الكرة الرسمي

مُساهمةموضوع: رد: عفوا لقد نفذ رصيدكم    الإثنين سبتمبر 05, 2011 11:42 pm

مشكرة علي الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://zizo4444.riadah.org
عامر وبس*
لاعب جديد
لاعب جديد
avatar

عدد المساهمات : 38
تاريخ الميلاد : 29/03/1999
تاريخ التسجيل : 25/10/2011
العمر : 18
الموقع : السعودية

مُساهمةموضوع: رد: عفوا لقد نفذ رصيدكم    الإثنين أكتوبر 31, 2011 12:29 pm

ه على الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جهاد و بس
نشيط
نشيط
avatar

عدد المساهمات : 106
تاريخ الميلاد : 11/11/2002
تاريخ التسجيل : 05/01/2012
العمر : 14
الموقع : المغرب

مُساهمةموضوع: رد: عفوا لقد نفذ رصيدكم    السبت يناير 07, 2012 8:43 am

[code]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عفوا لقد نفذ رصيدكم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي ابطال الكرة الرسمي :: القسم الاسلامي العام :: المواضيع الاسلامية-
انتقل الى: